لاہور میں ٹریفک قوانین کی 34 مرتبہ خلاف ورزی پر موٹر سائیکل سوار کو 60800 روپے جرمانہ کر دیا گیا۔
ٹیم مغلپورہ نے موٹر سائیکل سواروں کے خلاف کارروائیاں جاری رکھتے ہوئے ای چلان کیے۔
ترجمان سی ٹی او کے مطابق 26 مرتبہ ٹریفک کی خلاف ورزی پر 50200 روپے جرمانہ کرکے موٹر سائیکل تھانے میں بند کر دی گئی۔ اسی طرح، 29 مرتبہ ٹریفک رولز کی خلاف ورزی پر 41800 روپے، 19 مرتبہ ٹریفک رولز کی خلاف ورزی پر 38000 روپے اور 17 مرتبہ ٹریفک رولز کی خلاف ورزی پر 34000 روپے جرمانہ کرکے موٹر سائیکل تھانے میں بند کر دی گئی۔
سی ٹی او لاہور کے مطابق بغیر ہیلمٹ، ون وے ٹریفک، رانگ پارکنگ اور دھواں چھوڑنے پر 2000 ہزار روپے جرمانہ ہے۔ ٹریفک قوانین کی خلاف ورزی پر ہونے والے ای چالان نادہندگان کے خلاف گھیرا تنگ کر دیا گیا ہے۔
عمارہ اطہر کا کہنا ہے کہ آرٹیفیشل انٹیلیجینس سسٹم سے بلاتفریق کارروائیاں جاری ہیں، سیف سٹی کو پولیس خدمت مراکز اور ڈرائیونگ لائسنس ایشوینس مینجمنٹ سسٹم سے انٹیگریڈ کر دیا گیا، منظم ٹریفک کے لیے شہریوں کو ٹریفک قوانین کا احترام کرنا ہوگا۔
