(یکم اپریل 2026): ایران جنگ کے باعث پیدا ہونے والے توانائی کے بحران میں گیس کنکشن کے لیے شادی کرنے کی شرط عائد کر دی گئی ہے۔
ایران جنگ اور دنیا کی مصروف ترین تجارتی آبی گزرگاہ آبنائے ہرمز بند ہونے کے باعث اس وقت دنیا بھر کو توانائی بحران کا سامنا ہے، پٹرولیم مصنوعات، گیس کی قلت اور قیمتوں میں بڑے اضافے نے سب کو پریشان کر دیا ہے اور کئی ملکوں میں تو گیس وپٹرول کے حصول کے لیے میلوں لمبی قطاریں لگ گئی ہیں۔
ایسے میں پڑوسی ملک بھارت میں سوئی گیس کنکشن کی فراہمی کے لیے شادی کی انوکھی شرط عائد کر دی گئی ہے۔
بھارتی میڈیا کے مطابق ریاست یو پی کے مشہور شہر آگرہ میں گیس کی فراہمی کے لیے شادی کرنے اور شادی کارڈ دکھانے کی انوکھی شرط عائد کر دی ہے۔
رپورٹ کے مطابق ضلع انتظامیہ نے عوام کی مشکلات کے پیش نظر حکومت نے شادی اور اس طرح کی دیگر تقریبات کے لیے عارضی گیس کنکشن فراہم کرنے کی اسکیم شروع کی ہے۔
ضلع سپلائی آفیسر آنند کمار سنگھ کے مطابق آگرہ میں اگر کسی خاندان کو شادی یا دیگر تقریب کے لیے کمرشل سلنڈر کی ضرورت ہو تو متعلقہ فرد کو عارضی کنکشن فراہم کیا جا رہا ہے۔ تاہم اس کے لیے درخواست دہندگان کو اپنی درخواست کے ساتھ شادی کارڈ یا دعوتی کارڈ کی کاپی ڈسٹرکٹ سپلائی آفس میں جمع کرانا ہوگی۔
درخواست گزار کو کمپنی کی طرف سے تجویز کردہ سیکیورٹی ڈپازٹ جمع کرانا بھی ضروری ہوگا۔ اس کے بعد ہی درخواست دہندگان کو سلنڈر جاری کیے جائیں گے۔
