پاکستان کے ٹیسٹ کپتان بابر اعظم سات سال بعد فرسٹ کلاس ڈومیسٹک کرکٹ میں واپس آئے، تاہم ان کی واپسی یادگار نہ بن سکی اور وہ صرف 12 رنز بنا کر پویلین لوٹ گئے۔
ایبٹ آباد کرکٹ اسٹیڈیم میں جاری پریذیڈنٹ ٹرافی گریڈ ون کے میچ میں بابر اعظم آئل اینڈ گیس ڈیولپمنٹ کمپنی لمیٹڈ (OGDCL) کی نمائندگی کر رہے ہیں، جس کا مقابلہ خان ریسرچ لیبارٹریز (KRL) سے ہے۔ پاکستان کرکٹ بورڈ کے مطابق بابر کو تیسرے راؤنڈ سے قبل OGDCL میں شامل کیا گیا تھا۔
بابر اعظم نے بیٹنگ کے لیے آنے سے قبل تقریباً دو دن انتظار کیا۔ کریز پر آنے کے بعد انہوں نے 20 گیندوں کا سامنا کیا اور 12 رنز بنائے، جس میں دو چوکے شامل تھے۔ فاسٹ بولر ارشد اقبال نے شارٹ پچ گیند پر بابر کو آؤٹ کیا۔
