لاہور (مانیٹرنگ ڈیسک) وینزویلا کے معزول صدر نکولس مادورو اور ان کی اہلیہ سیلیا فلورس نے امریکی عدالت میں تشدد کی سازش کے نئے الزامات مسترد کرتے ہوئے صحت جرم سے انکار کردیا۔برطانوی نشریاتی ادارے کے مطابق نکولس مادورو اور ان کی اہلیہ کو نیویارک کی وفاقی عدالت میں پیش ہوئے جہاں امریکی استغاثہ کی جانب سے گزشتہ ہفتے عائد کیے گئے نئے الزامات پر کارروائی ہوئی۔یاد رہے کہ وینزویلا کے صدر اور ان کی اہلیہ کو جنوری میں امریکی فوجیوں نے ان کے صدارتی محل میں سکیورٹی اہلکاروں کو چکمہ دیتے ہوئے بیڈ روم سے گھسیٹتے ہوئے طیارے تک لائے اور پھر امریکا منتقل کردیا گیا۔وینزویلا کے صدر نکولس مادورو اور ان کی اہلیہ پر اپنے مخالفین پر تشدد، بجلی کے جھٹکے دینا، دم گھونٹنا، جنسی زیادتی، جبرا برہنہ کرنا، طویل عرصے تک تنہائی میں رکھنا، بھوکا رکھنا اور نفسیاتی اذیت دینے کے الزامات ہیں۔
