یتیم خانے کا مالک گرفتار’ ادارے میں 150 بچے اور بچیاں مقیم

ملتان ( کرائم رپورٹر) کار کی ٹکر سے لڑکے کو قتل کرنے کا واقعہ، پولیس نے یتیم خانے کے مالک کو گرفتار کر لیا تاہم مقرور ملزم تاحال پولیس کے قابو نہیں آ سکا ہے ، پولیس حکام کے مطابق مقتول وسیم عباس جس یتیم خانہ میں رہائس پزیر تھا وہ شعیب کا تھا اور اسی نے وسیم عباس کو توقیر کے حوالے کیا تھا۔وسیم عباس کو توقیر کے حوالے کرنے کے معاملے میں شعیب تاحال پولیس حراست میں ہے جس سے تفتیش جاری ہے جبکہ یتیم خانہ کا ریکارڈ بھی چیک کیا جارہا ہے دوسری جانب وسیم عباس کے قتل کی ایف ائی ار میں نامزد دوسرے ملزم امجد کی تاحال گرفتاری عمل میں نہ لائی جاسکی ہے جسکی لوکیشن فیصل اباد کی بتائی جارہی ہے اس حوالے سے سی پی او ملتان اختر فاروق کا کہنا ہے کہ امجد کو بھی جلد گرفتار کرلیا جائے گا یتیم خانہ کا مالک پولیس کسٹڈی میں ہے جسکی تفتیش جاری ہے۔ ادھر یتیم خانے کی انتظامیہ نے ادارے کی رجسٹریشن کا ریکارڈ پولیس کے حوالے کر دیا ہے، جس کی تصدیق کی جا رہی ہے، جبکہ پولیس حکام اس بات کو بھی یقینی بنا رہے ہیں کہ یتیم خانے میں مقیم دیگر بچے بھی اس کیس کی وجہ سے متاثر نہ ہوں ، پولیس حکام کا کہنا ہے کہ یتیم خانے اور جس ادارے کے تحت یہ کام کرتا تھا اس کی رجسٹریشن کو چیک کرایا جا رہا ہے، یتیم خانے میں اس وقت 150 کے قریب بچے اور بچیاں قیام پذیر ہیں، تاہم ان بچوں کو پرائیوٹ طور پر کام پر نہیں بھیجا سکتا ہے، اس کے لیے حکومتی ادارے قائم ہیں، اس لیے کیس کے تمام پہلوؤں کی تفتیش جاری ہے۔
یتیم خانہ