PTI پنجاب اسمبلی کا اجلاس بلانے میں تذبذب کا شکار، ریکوزیشن جمع نہ ہوسکی

لاہور (این این آئی) خیبر پختونخواہ میںایمرجنسی اور گورنر راج کے نفاذ کے معاملے پر پاکستان تحریک انصاف پنجاب اسمبلی کا اجلاس بلانے کے حوالے سے تذبذب کا شکار ہوگئی ہے۔ اجلاس بلانے کے لیے پی ٹی آئی میں گزشتہ کئی روز سے مشاورت جاری ہے تاہم تاحال ریکوزیشن جمع کرانے کا فیصلہ نہیں ہوسکا۔ ذرائع کے مطابق اپوزیشن اراکین کی بڑی تعداد پنجاب اسمبلی کا اجلاس بلانے کے لیے ریکوزیشن جمع کرانے کے حق میں ہے، لیکن اس کے باوجود ریکوزیشن جمع نہیں کرائی جاسکی۔ دوسری جانب اپوزیشن اراکین کی پنجاب اسمبلی آمد کا سلسلہ جاری ہے جبکہ ریکوزیشن جمع نہ کرائے جانے پر تحریک انصاف کے بعض اراکین اسمبلی بھی حیرت کا اظہار کر رہے ہیں۔