اسلام آباد(نامہ نگار خصوصی ) نیشنل ہائی ویز اینڈ موٹروے پولیس نے ما ہ ستمبر2026 کے دوران عوامی خدمت، روڈ سیفٹی اور قانون کے نفاذ کے حوالے سے نمایاں کارکردگی کا مظاہرہ کیا۔ ماہ اگست 2026میں 1 لاکھ67 ہزار سے زائد مسافروں کو دورانِ سفر مختلف نوعیت کی بروقت امداد فراہم کی گئی، جبکہ 16 لاکھ 93ہزار روپے مالیت کے سونے کے زیورات اور29لاکھ 53 ہزار روپے مالیت کے قیمتی موبائل فونز تلاش کرکے اصل مالکان کے حوالے کیے گئے۔روڈ سیفٹی اور ٹریفک قوانین سے متعلق آگاہی کے لیے ملک بھر میں 252 آگاہی پروگرامز منعقد کیے گئے، جبکہ مختلف ٹول پلازوں پر 27 لاکھ 29 ہزار سے زائد شہریوں کو ٹریفک قوانین اور محفوظ سفر کے حوالے سے آگاہی فراہم کی گئی۔ موٹروے پولیس نے 33گمشدہ بچوں کو بحفاظت ان کے والدین سے ملوایا۔ قومی شاہراہوں پر جرائم کے خلاف کارروائی کرتے ہوئے 18 وارداتیں ناکام بنائی گئیں اور 20 ملزمان گرفتار کرکے متعلقہ قانون نافذ کرنے والے اداروں کے حوالے کیے گئے جبکہ7 چوری شدہ گاڑں اور تقریباََ148کلوگرام چرس اور تقریباََ 155کلو افیون برآمد کرکے ملوث ملزمان کو گرفتار کیا اور مزید قانونی کارروائی کے لیے متعلقہ اداروں کے حوالے کر دیا۔موٹروے پولیس قومی شاہراہوں پر محفوظ سفر، بروقت مدد، قانون کی عملداری اور عوامی خدمت کے اعلیٰ معیار کو یقینی بنانے کے لیے اپنے فرائض پوری ذمہ داری اور پیشہ ورانہ جذبے کے ساتھ انجام دیتی رہے گی۔
