بنکاک(آئی این پی )کوئٹہ سے تعلق رکھنے والی پاکستانی خاتون باکسرعابدہ بتول نے تھائی لینڈ میں باکسنگ کا
عالمی ٹائٹل اپنے نام کر لیا ۔انہوں نے آٹھ رانڈز پر مشتمل مقابلے کے پانچویں رانڈ میں تھائی حریف کو ٹیکنیکل ناک آٹ کرکے عالمی چیمپئن بننے کا اعزاز حاصل کیا۔عابدہ بتول نے تھائی لینڈ کے شہر پتایا میں ویمنز انٹرنیشنل باکسنگ ایسوسی ایشن (ڈبلیو آئی بی اے) کے عالمی ایٹم ویٹ ٹائٹل کے لیے تھائی باکسر وانڈی سینونگ کھروٹ کا مقابلہ کیا۔ یہ فائٹ ایف سی سی سٹیڈیم میں بریو ہارٹس کے نام سے منعقد ہونے والے باکسنگ ایونٹ کا حصہ تھی۔مقابلے کے دوران عابدہ بتول نے اپنی حریف کے مقابلے میں تیز رفتار، ہاتھوں اور پاں کی پھرتی اور مسلسل مکے برسانے کی صلاحیت کا مظاہرہ کیا اور پانچویں رانڈ میں انہیں ٹیکنیکل ناک آٹ کر دیا۔ اس کامیابی کے بعد انہوں نے عالمی چیمپئن کا بیلٹ بھی حاصل کیا۔عابدہ بتول کے پروموٹر اور سابق باکسر عابد بلوچ کے مطابق وہ ڈبلیو آئی بی اے کے عالمی ٹائٹل مقابلے میں حصہ لینے والی پہلی پاکستانی خاتون باکسر ہیں۔ ان کا کہنا تھا کہ عالمی ٹائٹل جیتنے سے عابدہ کی بین الاقوامی باکسنگ رینکنگ میں بھی بہتری آئے گی۔عابد بلوچ کے مطابق یہ عابدہ بتول کی پروفیشنل باکسنگ میں دوسری بین الاقوامی فائٹ تھی جس میں انہوں نے کامیابی حاصل کی ہے۔عابدہ بتول نے یہ کامیابی تھائی لینڈ میں میزبان ملک کی باکسر کے خلاف حاصل کی۔ تھائی لینڈ کو باکسنگ کے ہلکے وزن کی کیٹیگریز میں مضبوط حریفوں کے حوالے سے جانا جاتا ہے۔ایٹم ویٹ خواتین کی پروفیشنل باکسنگ کی سب سے ہلکی وزن کی کیٹیگری ہے جس میں باکسرز کا زیادہ سے زیادہ وزن 102 پانڈ یعنی تقریبا 46.3 کلوگرام مقرر ہے۔ ویمنز انٹرنیشنل باکسنگ ایسوسی ایشن خواتین کی پروفیشنل باکسنگ میں عالمی ٹائٹل مقابلوں کرانے والا ادارہ ہے۔
