پاکستان نے جی۔24 کی سربراہی سنبھال لی

اسلام آباد (این این آئی)پاکستان نے G-24 کی سربراہی سنبھال لی جبکہ وفاقی وزیر خزانہ سینیٹر محمد اورنگزیب نے ایک مضبوط، زیادہ جامع اور باقی صفحہ6بقیہ نمبر 61 ترقی پر مبنی عالمی مالیاتی نظام کا مطالبہ اورتین ترجیحات کا خاکہ پیش کرتے ہوئے کہاہے کہ ترقی پر مبنی شرح نمو ، ترقی پذیر معیشتوں کے لیے مضبوط نمائندگی اور بین الاقوامی مالیاتی ڈھانچے میں اصلاحات کی ضرورت ہے ۔ فنانس ڈویژن کی طرف سے جاری بیان کے مطابق پاکستان نے اتوار کو 24 رکنی بین الحکومتی گروپ (G-24) کی سربراہی سنبھال لی ہے، پاکستان نے ترقی پذیر معیشتوں کی اجتماعی آواز کو مضبوط بنانے اور ایک زیادہ جوابدہ، منصفانہ اور ترقی پر مبنی بین الاقوامی مالیاتی نظام کو آگے بڑھانے کے اپنے عزم کا اعادہ کیا ہے۔وفاقی وزیر خزانہ و محصولات سینیٹر محمد اورنگزیب نے چیئرمین شپ کو ایک اہم ذمہ داری قرار دیتے ہوئے نئے بین الاقوامی تعاون، مضبوط کثیر الجہتی اداروں اور موسمیاتی جھٹکوں، ترقیاتی مالیاتی فرق اور عالمی اقتصادی تقسیم سے نمٹنے کے لیے عالمی وعدوں کی تقویت پر زور دیا۔