قدرتی آفات اور ہنگامی حالات میں ڈیجیٹل سائن بورڈز کے ذریعے فوری پیغامات کی فراہمی ممکن بنائی جائے:گورنر سندھ

کراچی(این این آئی) گورنر سندھ سید محمد نہال ہاشمی نے کہا ہے کہ قدرتی آفات، وبائی امراض اور
دیگر ہنگامی حالات میں ڈیجیٹل سائن بورڈز کے ذریعے عوام تک فوری اور بیک وقت ایمرجنسی پیغامات پہنچائے جاسکتے ہیں۔ ان سائن بورڈز کو سرکاری ریلیف اداروں اور آفات سے نمٹنے والے متعلقہ محکموں کے ساتھ منسلک کرکے شہریوں کو بروقت حفاظتی ہدایات، ضروری اطلاعات اور امدادی سرگرمیوں سے متعلق معلومات فراہم کی جاسکتی ہیں۔ان خیالات کا اظہار انہوں نے گورنر ہاؤس میں ورلڈ آؤٹ آف ہوم آرگنائزیشن (WOO) کے صدر ٹام گاڈارڈ سے وفد کے ہمراہ ملاقات کے دوران کیا۔ ملاقات میں پاکستان کی آؤٹ ڈور ایڈورٹائزنگ انڈسٹری کے فروغ، جدید ڈیجیٹل ٹیکنالوجی کے استعمال، اشتہارات کے عالمی رجحانات اور اس شعبے میں سرمایہ کاری و تعاون کے امکانات پر تبادلہ خیال کیا گیا۔