آن لائن تعلیم حاصل کرنے والے 60 فیصد افراد سائبر حملوں کا شکار

کراچی(این این آئی) سائبر سکیورٹی کمپنی کیسپرسکی کی ایک حالیہ تحقیق میں انکشاف ہوا ہے کہ گزشتہ 12 ماہ کے دوران آن لائن یا ہائبرڈ طریقے سے تعلیم حاصل کرنے والے تقریباً 60 فیصد افراد کو کم از کم ایک سائبر سیکیورٹی مسئلے کا سامنا کرنا پڑا، جبکہ ان واقعات سے متاثرہ 25 فیصد افراد کو مالی نقصان بھی اٹھانا پڑا۔کیسپرسکی کے سروے کے
مطابق 62 فیصد جواب دہندگان نے گزشتہ 12 ماہ کے دوران کسی نہ کسی صورت میں تعلیم حاصل کی۔ ان میں سے 45فیصد نے مکمل طور پر آن لائن جبکہ 40 فیصد نے آن لائن اور روایتی تدریس پر مشتمل ہائبرڈ نظام کے تحت تعلیم حاصل کی۔