رائے ونڈ عالمی تبلیغی اجتماعکا پہلا مرحلہ آج سے شروع

رائے ونڈ( این این آئی)رائے ونڈ میں سالانہعالمی تبلیغی اجتماع کا پہلا مرحلہ آج بروز جمعرات سے شروع ہو رہا ہے، جس میں 100سے زائد ممالک کے مندوبین سمیت ملک بھر سے لاکھوں فرزندان توحید شرکت کریں گے۔تفصیلات کے مطابق عالمی اجتماع کے لیے تمام تر تیاریاں مکمل کر لی گئی ہیں، پنڈال سج چکا ہے اور قافلوں کی آمد کا سلسلہ گزشتہ روز سے جاری ہے۔ شرکاء کی سکیورٹی کے لیے پولیس کے ہزاروں ملازمین کو ڈیوٹی پر مامور کیا گیا ہے۔انتظامیہ کی جانب سے سکیورٹی کے سخت انتظامات کیے گئے ہیں، اجتماع میں داخل ہونے والے تمام افراد کو واک تھرو گیٹس سے گزارا جائے گا اور تلاشی کے بعد پنڈال میں داخلے کی اجازت دی جائے گی۔ضلعی انتظامیہ، ستھرا پنجاب،ریسکیو 1122، ایم سی ایل،لیسکو اور دیگر محکموں کے کیمپ بھی قائم کر دیے گئے ہیں تاکہ شرکا کو کسی قسم کی دشواری کا سامنا نہ کرنا پڑے۔