لاہور ( نیوز ایجنسیاں) وزیراعلیٰ مریم نواز شریف نے خانیوال کے بیوٹیفکیشن پلان میں مبینہ
گھپلوں کا سخت نوٹس لیا ہے۔ٹھیکیدار کو ایڈوانس ادائیگی پر سابق ڈی سی خانیوال کو شامل تفتیش کرنے کی ہدایت کی ہے۔وزیراعلیٰ مریم نواز شریف نے ٹھیکیدار کی فوری گرفتاری اور ریکوری کا حکم بھی دے دیا۔خانیوال کے اکبر بازار کی بیوٹیفکیشن پراجیکٹ کا ٹھیکیدار ایڈوانس پیمنٹ لیکر فرارہوگیاہے۔اکبر بازار بیوٹیفکیشن پراجیکٹ کی تکمیل میں بے جا تاخیر بھی کی گئی ہے۔دریں اثناء وزیراعلیٰ مریم نواز شریف کے عالمی شہرت یافتہ اپنی چھت،اپنا گھرپروگرام پنجاب کے ہربے گھرخاندان کے لئے امید کی روشن کرن بن رہا ہے۔وزیراعلیٰ مریم نواز شریف نے اپنی چھت،اپناگھر کیلئے سوا دو لاکھ لون کاٹارگٹ پورا ہونے پر اظہارمسرت کیا۔وزیراعلیٰ مریم نواز شریف حسن ابدال کے نواحی علاقے میں ریٹائرڈ حوالدار کے گھرپہنچ گئیں اور اپنی چھت، اپنا گھر کے تحت بننے والے مکان کا علامتی افتتاح کیا۔ وزیراعلیٰ مریم نواز شریف نے ریٹائرڈ حوالدار اعتبارشاہ کے اہل خانہ سے ملاقات کی اور انہیں نئے گھر کی مبارکباد پیش کی۔ ریٹائرڈ حوالدار اعتبارشاہ نے اپنی چھت،اپنا گھر کے تحت مکان بنانے کی رودادسنائی اور کہا کہ پلاٹ تھا اورگھر بنانے کیلئے غیبی امداد کا منتظر تھا،اللہ نے ”اپنی چھت اپنا گھر” کے تحت 15لاکھ دیئے اور گھر بن گیا۔ وزیراعلیٰ مریم نوازشریف نے نیا گھربننے کی خوشی میں اعتبار شاہ اوران کی فیملی کو تحائف بھی پیش کیے۔ وزیراعلیٰ مریم نوازشریف نے ریٹائرڈ حوالدار اعتبار شاہ سے کھانا کھلانے کی فرمائش کی جس پر بھنڈی اور دال کا سالن پیش کیا گیا۔ وزیراعلیٰ مریم نواز شریف نے رغبت سے ریٹائرڈ حوالدار اعتبار شاہ کے گھر کھانا کھایا اور سادہ کھانے کی کی لذت کو سراہا۔ وزیراعلیٰ مریم نواز شریف کا شکریہ ادا کرتے ہوئے اعتبار شاہ اور اہل خانہ جذباتی ہوگئے۔قبل ازیں راولپنڈی ڈویژن میں سپیشل بچوں کیلئے پہلا نواز شریف سینٹر آف ایکسی لینس قائم کر دیا گیا۔ حسن ابدال جیسے دوردراز علاقے میں سپیشل بچوں کیلئے سینٹر آف ایکسی لینس جیسی بڑی نعمت میسرہے۔ حسن ابدال میں نوازشریف سینٹر آف ایکسی لینس برائے سپیشل ایجوکیشن کا باقاعدہ کا آغازکر دیا گیا۔ وزیراعلیٰ مریم نوازشریف نے سپیشل بچیوں کیساتھ مل کر سینٹر آف ایکسی لینس کا باضابطہ افتتاح کیااور سپیشل بچیوں کا ہاتھ پکڑ کر سینٹر آف ایکسی لینس میں داخل ہوئیں۔ وزیراعلیٰ مریم نواز شریف نے سینٹر آف ایکسی لینس میں سماعت، قو ت گویائی سے محروم بچوں کیلئے سپیشل کلاس روم دیکھے۔ وزیراعلیٰ مریم نواز شریف نے پیدائشی جسمانی معذوری کا شکار بچوں کا کلاس اور طریقہ تدریس کا مشاہدہ کیا، میوزک روم اور ایکٹویٹی روم کا بھی معائنہ کیا۔وزیراعلیٰ مریم نواز شریف میوزک روم میں موجود سپیشل بچی سویرا کا ”اکیلے نہ جانا ہمیں چھوڑ کر” گانا سن کردروازے سے پلٹ آئیں اور اسے پیار کیا۔ سپیشل بچی نے مریم نوازشریف کے لئے ”شب غم مجھ سے ملکر ایسے روئی……ملا ہو جیسے صدیوں بعد کوئی”بھی سنایا۔ وزیراعلیٰ مریم نوازشریف نے سپیشل بچوں کے درمیان بیٹھ کرملی نغمہ بھی گایااوربچوں کو باری باری پیار،دعائیں اوراظہار شفقت کیا۔ وزیراعلیٰ مریم نوازشریف سے کلاس روم میں سپیشل بچے سفیان نے واٹس ایپ دینے کی معصوم خواہش کا اظہار کیاتو وزیراعلیٰ مسکرادی۔ وزیراعلیٰ مریم نوازشریف کو سپیشل بچوں نے اپنے ہاتھ سے بنا کر کارڈ بھی پیش کیے۔ اس موقع پربازواورٹانگوں سے محروم ننھے احمد علی کی باتیں سن کروزیراعلیٰ مریم نوازشریف سمیت تمام شرکاء آنسو نہ روک سکے۔ وزیراعلیٰ مریم نوازشریف نے احمد علی کو پیار کیا اورخاص طورپر تصویر بنوائی۔ سپیشل بچے احمد علی نے کہا کہ جب میں پید ا ہوا تو میرے والدین رو دیئے کہ یہ بچہ کیسے زندگی گزار سکے گا۔وزیراعلیٰ مریم نوازشریف نے سپیشل بچوں کو سپر ہیرو قرار دے دیا۔ وزیراعلیٰ مریم نوازشریف نے تیزاب سے جھلسنے والی بچی اوراس کی والدہ سے خصوصی ملاقا ت کی۔ علاوہ ازیں وزیراعلیٰ پنجاب مریم نواز شریف نے اہل اٹک کیلئے تاریخی ترقیاتی پیکج پیش کیا ہے۔ اٹک کی 122 سالہ تاریخ کے سب سے بڑے میگا پراجیکٹس مکمل کیے جارہے ہیں ان میں 31.75ارب کی لاگت سے 186 سکیمیں لائی گئی ہیں۔ اٹک ضلع میں پہلی مرتبہ 865 کلومیٹر سڑکوں کی تعمیر و مرمت اور بحالی کے پراجیکٹس بیک وقت شروع کیے گئے۔ اٹک میں 23.25 ارب روپے کی لاگت سے روڈز کی تعمیر ومرمت توسیع کی 59 سکیمیں شامل ہیں جبکہ 8.5 ارب روپے کی لاگت سے 127 ترقیاتی پراجیکٹس مکمل کیے جارہے ہیں۔ روڈمیگا پراجیکٹس میں 43.95 کلومیٹر طویل فتح جنگ، پنڈی گھیپ روڈ،ڈھوک لاہم تا جھمات روڈبھی شامل ہیں۔ اٹک کے روڈمیگا پراجیکٹس میں میٹھال چوک تا ڈھوک پٹھان سڑک کو بھی شامل کیا گیا ہے۔ اٹک ضلع کے82 مریم نواز کلینک اور ہسپتالوں کی تعمیر ومرمت مکمل ہوچکی ہے۔ و حسن ابدال اور فتح جنگ میں نواز شریف سینٹر آف ایکسی لینس برائے سپیشل ایجوکیشن قائم کر دیئے گئے ہیں۔زیراعلیٰ مریم نواز شریف کی ہدایت پر اٹک میں ماڈرن چلڈرن ہوم، ماڈل ایگری مال، حضرو میں اراضی ریکارڈ سینٹربھی بن رہا ہے۔
مریم نواز
