لکی مروت:پولیس سے جھڑپ’ خودکش بمبار سمیت 2دہشتگردہلاک’ تھانے پرحملے میں3اہلکارزخمی

پشاور(نیوز ایجنسیاں)خیبرپختونخوا کے ضلع لکی مروت میں پولیس نے دہشت گردی کا منصوبہ ناکام بناتے ہوئے ایک خود کش حملہ آور سمیت 2دہشت گرد ہلاک کر دئیے جبکہ ضلع ٹانک میں ایک تھانے پر دہشت گردوں کے حملے میں 3پولیس اہلکار زخمی ہو گئے۔ لکی مروت پولیس کے مطابق گنڈی چوک میں دہشت گردوں کی موجودگی کی اطلاع پر بڑی کاروائی کی گئی۔ مشکوک موٹر کار میں سوار دہشت گردوں نے پولیس پارٹی پر فائرنگ کی، جس پر پولیس اہلکاروں نے فوری اور موثر جوابی کارروائی کی، مقابلے کے نتیجے میں 2دہشت گرد مارے گئے جبکہ ایک دہشت گرد زخمی حالت میں فرار ہوگیا۔کارروائی کے بعد دہشت گردوں کی گاڑی سے اسلحہ ایمونیشن، بارودی سرنگیں، تحریک طالبان کا جھنڈا، خواتین کے برقعے، کمیونیکیشن آلات اور دیگر ممنوعہ اشیا برآمد کی گئیں۔پولیس حکام کا کہنا ہے کہ یہ خودکش حملہ آور اور اس کے ساتھی ممکنہ طور پر علاقے میں بڑی تخریب کاری کی منصوبہ بندی کر رہے تھے، تاہم برآمد ہونے والی اشیا اور دہشت گردوں کے ممکنہ عزائم کے حوالے سے تحقیقات جاری ہیں۔واقعے کی اطلاع ملتے ہی پولیس اور سی ٹی ڈی کی بھاری نفری موقع پر پہنچ گئی اور علاقے میں سرچ آپریشن شروع کر دیا گیا، ہلاک ہونے والے خوارج کی نعشیں تحویل میں لے کر شناخت کا عمل بھی شروع کر دیا گیا ہے ۔دوسری جانب ضلع ٹانک میں دہشتگردوں نے تھانہ ملازئی پر ڈرون حملہ کیا اور شدید فائرنگ کی جس کے نتیجے میں 3 پولیس اہلکار زخمی ہوگئے۔ دہشت گرد