کاٹلنگ( نمائندہ خبریں )کاٹلنگ کوٹی شاہ کے قریب تیز رفتار سوزوکی اور چنگ چی رکشہ کے
درمیان تصادم کے نتیجے میں اسمارٹ سکول کا چوتھی جماعت کا طالب علم انس ولد نامعلوم، ساکن کوہی برمول جاں بحق جبکہ چنگ چی ڈرائیور سمیت تین طلبا زخمی ہوگئے۔ تفصیلات کے مطابق کوہی برمول سے سکول ڈیوٹی پر جانے والے چنگ چی رکشہ کو کوٹی شاہ کے مقام پر پیچھے سے آنے والی تیز رفتار سوزوکی نے ٹکر مار دی، جس کے نتیجے میں چنگ چی میں سوار اسمارٹ سکول کے چوتھی جماعت کے طالب علم انس زخموں کی تاب نہ لاتے ہوئے جاں بحق ہوگئے جبکہ ڈرائیور اور تین طلبا زخمی ہوئے۔ حادثے کے بعد سوزوکی ڈرائیور موقع سے فرار ہوگیا۔ پولیس تھانہ کاٹلنگ نے واقعے کا مقدمہ درج کرکے تفشیش شروع کردی ہے۔
