ممبئی (ویب ڈیسک ) بالی وڈ کنگ شاہ رخ خان کی نئی آنے والی فلم ’زیرو‘ کی شوٹنگ جاری ہے جس کے سیٹ پر شاہ رخ اکثر مستی مزہ کرتے نظر آرہے ہیں۔شاہ رخ نے کیرئر کے آغاز میں فلم ’ڈر‘ کی جو بے حد مقبول ہوئی اس کے ساتھ ہی شاہ رخ کا لڑکھڑاتے ہوئے ’کرن‘ کہنا بھی کافی مقبول ہوا جسے مداح بھولائے نہیں بھولتے ہیں۔ان کا یہی انداز ایک بار پھر سب کی توجہ کا مرکز بن چکا ہے لیکن اس بار فلم ’ڈر‘ کی اداکارہ جوہی چاو¿لہ کے لیے نہیں بلکہ اداکارہ کترینہ کیف کے لیے ہے۔شاہ رخ نے گزشتہ روز اپنے ٹوئٹر اکاو¿نٹ پر مداحوں سے فلم ’زیرو‘ کے سیٹ پر لی گئی ایک تصویر شیئر کی۔تصویر میں دیکھا جاسکتا ہے کہ شاہ رخ فلم ڈر کے ایک منظر کی طرح کترینہ کیف کے پوسٹر کے سامنے اسی انداز میں کھڑے ہیں لیکن اس بار ہاتھ میں ایک عدد آئسکریم بھی ہے۔شاہ رخ نے تصویر کی وضاحت کرتے ہوئے کہا کہ چونکہ کترینہ کیف حقیقی زندگی میں آئسکریم نہیں کھاتیں اور وہ اپنا کام سخت محنت سے کرتی ہیں، یہ ا±نہیں فلم ’زیرو‘ میں ’ڈر‘ کی یاد تازہ کرتی ہے۔
