اسلام آباد (خصوصی رپورٹ) قومی اسمبلی کے سپیکر ایاز صادق نے پاکستان تحریک انصاف کے چیئرمین عمران خان کو بطور ہندو دیوتا پیش کرنے کا معاملہ ایف آئی اے کے سپرد کر دیا۔ بدھ کے روز قومی اسمبلی کے اجلاس میں پیپلز پارٹی کے رکن قومی رمیش لال نے نکتہ اعتراض پر کہا کہ مسلم لیگ ن کے کارکنوں نے سوشل میڈیا پر عمران خان کی ایک تصویر پوسٹ کی ہے جس میں انہیں شیو دیوتا کے روپ میں پیش کیا گیا ہے۔ سپیکر نے وزیر مملکت داخلہ طلال چودھری سے کہا کہ وہ سات دن کے اندر رپورٹ ایوان میں پیش کریں۔ رمیش لال نے کہا کہ عمران خان کی مخالفت میں حکمران جماعت کے کارکنوں نے ہندوﺅں کے مذہبی جذبات کو ٹھیس پہنچائی ہے۔ گفتگو کرتے ہوئے اقلیتی سرگرم کارکن کپل دیو نے کہا کہ ہماری مقدس ہستیوں اور عبادت گاہوں کا احترام کیا جائے۔ اس حوالے سے جامع اور مو¿ثر قانون سازی کی جائے۔
