لاہور(شوبزڈیسک)کراچی سے تعلق رکھنے والی اداکارہ سونیا حسین نے آئی پی پی اے بیسٹ اداکارہ کا ایوارڈ اپنے نام کر لیا ۔ تفصیلات کے مطابق اداکارہ سونیا حسین انگلینڈ میں ہونے والے آئی پی پی اے ایوارڈ میں بہترین اداکارہ کا ایوارڈ جیتنے میں کامیاب ہو گئیں ۔جس پر سونیا حسین نے خوشی کا اظہار کرتے ہوئے کہا کہ یہ میرے لیے اعزاز کی بات ہے کہ سینئر اداکاراﺅں کے ساتھ مجھے بھی ایوارڈ کیلئے نامزد کیا گیا تھا اور میں سوچ بھی نہیں سکتی تھی کہ میں ایوارڈ جیت لوں گی ۔میں خدا کا شکر ادا کرتی ہوں اور تمام دوستوں کا بھی شکریہ ادا کرتی ہوں جنہوں نے ہر لمحہ میری رہنمائی کی ۔انہوں نے کہا کہ یہ ایوارڈ میرا نہیں بلکہ پاکستان کا ایوارڈ ہے اور اس ایوارڈ کو جیتنے کے بعد مجھ پر اور ذمے داریاں بڑھ گئی ہیں اور میں پہلے سے بہتر کام کروں گی۔
