لاہور(سپورٹس رپورٹر )یونیورسٹی آف سینٹرل پنجاب نے ساتویں انٹر یونیورسٹی سائیکلنگ چیمپئن شپ جیت لی ،ایونٹ میں سات گولڈ میڈل جیت کر سید عاقب شاہ بہترین سائیکلسٹ قرار پائے،سائیکلسٹ کہتے ہیں کہ یونیورسٹی کی سطح پر مقابلوں سے کی باصلاحیت کھلاڑی سامنے آسکتے ہیں ۔ہائیر ایجوکیشن کمیشن کے زیر اہتمام ہونے والی چیمپئن شپ میں یونیورسٹی آف سینٹرل پنجاب نے نوایونٹس میں گولڈ میڈل جیت کر پہلے پوزیشن اپنے نام کی ،پنجاب یونیورسٹی نے دوسری جبکہ یونیورسٹی آ ف لاہور اور سپیرئیر یونیورسٹی نے مشترکہ طور پر تیسری پوزیشن اپنے نام کی ۔یوسی پی کے سید عاقب شاہ نے ایونٹ میں سات گولڈ میڈل حاصل کرکے بہترین سائیکلسٹ قرار پائے ،سائیکلسٹس کا کہنا تھا کہ کالج اور یونیورسٹی کی سطح پر مقابلوں کے انعقاد سے ہی باصلاحیت کھلاڑی سامنے آئیں گے ،دوروز جاری رہنے والے ایونٹ میں ملک بھر سے 12 یونیورسٹیز کی سائیکلنگ ٹیموں نے حصہ لیا ۔
