”کیا دبئی ٹیسٹ نیوزی لینڈ کیلئے ختم ہو گیا؟“ روز ٹیلر نے صحافی کے اس سوال پر ایسا جواب دیدیا کہ آپ ناچاہتے ہوئے بھی ان کی ہمت کی داد دیں گے

دبئی (ویب ڈیسک) نیوزی لینڈ کرکٹ ٹیم کے بلے باز روز ٹیلر نے کہا ہے کہ پاکستان کیخلاف دبئی ٹیسٹ ابھی ختم نہیں ہوا، اچھا کھیل کر جیت تو نہیں سکتے لیکن مقابلہ ضرور کر سکتے ہیں۔روز ٹیلر نے دبئی ٹیسٹ کے تیسرے دن کھیل کے اختتام پر 53 گیندوں پر جارحانہ انداز اپناتے ہوئے 6 چوکوں اور ایک چھکے کے ساتھ 49رنز کی ناقابل شکست اننگز کھیلی جس کے بعد پریس کانفرنس کرتے ہوئے انہوں نے یاسر شاہ کی خوب تعریف کرتے ہوئے کہا کہ انہوں نے کمال باﺅلنگ کی اور وہ بجا طور پرتعریف کے مستحق ہیں۔پریس کانفرنس کے دوران ایک صحافی نے پوچھا کہ کیا نیوزی لینڈ کیلئے دبئی ٹیسٹ ختم ہو گیا ہے؟ تو انہوں نے کچھ توقف کے بعد جواب دیا کہ ”آپ ایسا سوچ سکتے ہیں،لیکن میں سمجھتا ہوں کہ ابھی ہماری 8 وکٹیں باقی ہیں، ہم اچھا کھیل کر جیت تو نہیں سکتے البتہ مقابلہ ضرور کرسکتے ہیں۔“روز ٹیلر نے حارث سہیل اور بابراعظم کی کارکردگی کو بھی سراہا اور کہا کہ دونوں نے لاجواب کھیل پیش کرتے ہوئے نیوزی لینڈ کی ٹیم کو مشکل میں ڈال دیا۔ انہوں نے کہا کہ کرکٹ میں کبھی ایسا ہوتا ہے کہ آپ اچھا نہیں کھیلتے اور پہلی اننگز میں ہمارے ساتھ ایسا ہی ہوا، ہمارے بلے باز توقعات پر پورا نہیں اترے اور ہم 100 رنز کے ہندسے کو بھی عبور نہیں کر پائے۔