کراچی: رواں سال عید قرباں کے پُرمسرت موقع پر بڑے بجٹ اور خوبصورت کاسٹ پرمشتمل 4 فلموں کا میلہ سجے گا جن میں پاکستانی حسیناؤں ماہرہ خان، مایا علی اور حریم فاروق میں کڑا مقابلہ متوقع ہے۔اس عید قرباں اداکارہ ماہرہ خان، حریم فاروق، مایا علی، شہریار منور، بلال اشرف، علی رحمان اورسمیع خان جیسی خوبصورت کاسٹ سے سجی 4 فلمیں’’پرے ہٹ لو‘‘،’’ہیر مان جا’’،’’سپر اسٹار‘‘ اور’’کاف کنگنا‘‘ ریلیز ہورہی ہیں۔ دلچسپ بات یہ ہے کہ جہاں ماہرہ خان کی فلم ’’سپر اسٹار‘‘ اس عید پر ریلیز ہورہی ہے وہیں وہ فلم ’’پرے ہٹ لو‘‘ میں بھی اداکاری کے جوہر دکھاتی نظر آئیں گی۔ لہٰذا قیاس آرائیاں کی جارہی ہیں کہ ماہرہ خان عید قربان پر ہونے والا میلہ دو فلموں کے ساتھ دیگر اداکاراؤں کے مقابلے میں لوٹ لیں گی، تاہم یہ تو فلموں کی ریلیز کے بعد ہی پتہ چلے گا کہ کون سی اداکارہ نے بازی مارلی۔
بڑی عید پر صرف 4فلمیں ریلیز ماہرہ ،مایا ،حریم فاروق کا سخت مقابلہ
