لاہور (جنرل رپورٹر) شہر سے سموگ اور فضائی آلودگی کے بادل چھٹنے لگے۔ لاہور فضائی آلودگی میں دوسرے سے 8ویں نمبر پرآ گیا۔تفصیلات کے مطابق aگزشتہ روزلاہور فضائی آلودگی میں دوسرے سے 8ویں نمبر پرآ گیا، لاہور کا اوسطاً ائیر کوالٹی انڈیکس 160 اے کیو آئی ہو گیا ہے۔ واہگہ کا اے کیو آئی 334، ڈی ایچ اے کا 203 ریکارڈ کیا گیا ہے۔تاہم سرحدی علاقوں میں آلودگی کا تناسب تاحال خطرناک حدتک بر قرار ہے۔ واہگہ کے علاقے کا اے کیو آئی 334 ریکارڈ۔ سندر انڈسٹریل 223 اقبال ٹاو¿ن کا اے کیو آئی 196 پر آ گیا۔ یاد رہے محکمہ موسمیات نے آئندہ 24 گھنٹوں میں مزید بارش کی پیشگوئی کی ہے۔ آزاد کشمیر اور گلگت بلتستان سمیت ملک کے بالائی علاقوں میں برفباری اور میدانی علاقوں میں بارش نے سردی میں مزید اضافہ ہوگیا جبکہ بارشوں اور برف باری سے شانگلہ، کوہستان اور سوات سمیت متعدد علاقوں میں شدید نقصانات ہوئے ہیں، کئی مقامات پر لینڈ سلائیڈنگ اور برف باری سے شاہراہیں بند ہوگئیں جس کے باعث لوگوں کو مشکلات کاسامنا کر نا پڑا ۔تفصیلات کے مطابق ملک بھر کے بالائی علاقوں میں برفباری نے موسم کو اور خوشگوار کردیا ہے،بٹگرام، کالام، سوات، مالم جبہ، مانسہرہ میں فلک بوس پہاڑوں نے برف کی چادراوڑھ لی۔محکمہ موسمیات نے کوئٹہ سمیت شمال مشرقی بلوچستان میں مزید اڑتالیس گھنٹوں تک بارش جاری رہنے کی پیش گوئی کی ہے۔محکمہ موسمیات کے مطابق کوئٹہ، زیارت میں درجہ حرارت صفر، دالبدین میں تین اور قلات میں پانچ ڈگری سینٹی گریڈ ریکارڈ کیا گیا، شہر اقتدار اسلام آباد میں بھی موسم سہانا ہے، بارش اورٹھنڈی ہواﺅں نے راولپنڈی میں سردی بڑھادی۔لاہور میں گزشتہ رات سے بارش نے موسم کو دلکش بنا دیا۔ اوکاڑہ، نوشہرہ، میاں چنوں ، گجرات سمیت پنجاب کے مختلف علاقوں میں کہیں موسلادھار تو کہیں ہلکی بارش کا سلسلہ جاری ہے۔اس کے علاوہ شہر قائد کراچی میں ٹھنڈی ہوائیں چلتی رہیں ،بادل بھی چھائے ہوئے ہیں مگربارش کا فی الحال کوئی امکان نہیں بھی بند ہو گئی ہیں۔عوام کو ہدایت کی گئی ہے کہ وہ جانی اور مالی نقصان سے متعلق انتظامیہ کو آگاہ کریں۔محکمہ ریلیف کے مطابق سوات اور اپر دیر میں بارشوں سے 4 گھروں کو نقصان پہنچا، ہری پور میں ایک شخص جاں بحق اور ایک زخمی ہوا، اپر دیر میں متاثرین میں ٹینٹ، کمبل اور غذائی اشیا تقسیم کردی گئیں، دیر بالا میں بارشوں سے 3 گھروں کو جزوی نقصان پہنچا۔کولئی پالس کوہستان میں بارشوں سے لینڈ سلائیڈنگ ہوئی ہے جس سے متعدد مقامات پر شاہراہ بند ہو گئی ، تیمرگرہ کے مقام پر بھی بارش کی وجہ سے لینڈ سلائینڈگ ہوئی ہے، ادھر شدید برف باری کی وجہ سے کاغان اور بالائی علاقوں تک شاہراہ بند ہو گئی ہے۔ضلعی انتظامیہ نے مالاکنڈ اور ہزارہ میں بند شاہراہوں کو جلد بحال کرنے کی ہدایت جاری کر دی ہے، ہیوی مشینری کے ذریعے شاہراہوں سے ملبہ ہٹانے کا کام شروع کر دیا گیا ۔
