لاہور (ویب ڈیسک)کپتان اور نائب کپتان کے انتخاب کے بعد پاکستان کرکٹ بورڈ (پی سی بی) کی ڈریم پیئر مہم مکمل ہو گئی ہے اور سوشل میڈیا پر عمران خان اور جاوید میانداد کی جوڑی کے چرچے رہے۔پاکستان کرکٹ بورڈ کی ڈریم پیئر مہم میں مقبول ترین کپتان اور نائب کپتان کی جوڑی سامنے آئی ہے، سوشل میڈیا پر موجود کرکٹ کے مداحوں نے آل راو¿نڈر عمران خان کو کپتان اور جاوید میانداد کو نائب کپتان کے لیے ووٹ دیے۔عمران خان کے بطور کپتان 48 ٹیسٹ میچوں میں سے 14 میں پاکستان کی ٹیم نے کامیابی حاصل کی تاہم محدود طرز کی کرکٹ میں یادگار 1992 ورلڈکپ کی فتح ہمیشہ ان کے نام کے ساتھ جڑی رہے گی۔میگا ایونٹ میں کپتانی کرنے والے عمران خان نے کل 139 ایک روزہ میچوں میں پاکستان کی قیادت کی جس میں سے پاکستان نے 75 میں کامیابی حاصل کی۔ورلڈ کپ 1992 کی ٹیم میں عمران خان کے نائب کی ذمہ داریاں نبھانے والے جاوید میانداد کو سوشل میڈیا صارفین نے ایک بار پھر عمران خان کے نائب کی حیثیت سے میدان میں دیکھنے کی خواہش ظاہر کی۔
