پاکستان مسلم لیک ن کے رہنما میاں احسن اقبال نے کہا ہے کہ نواز شریف قوم اور ورکرز کا اثاثہ ہیں ان کی زندگی و صحت پر کمپرومائز نہیں کیا جاسکتا ہے۔
تفصیلات کے مطابق مسلم لیگ ن کے مرکزی سیکرٹریٹ ماڈل ٹاؤن میں لیگی رہنمائوں کی مشترکہ پریس کانفرنس میں احسن اقبال کا کہنا تھا کہ نواز شریف کی صحت کے پیش نظر عدلیہ کی اجازت اور عمران خان کی تسلی کے لئے وہ علاج کے لئے لندن گئے تھے۔
احسن اقبال نے کہا ہے کہ آج افسوس سے کہنا پڑ رہا ہےکہ نواز شریف کی صحت پر حکومت جو ناکام ہوچکی ہے جواب نہیں دے سکتی ہے۔
انہوں نے کہا ہے کہ ٹی وی ٹاک شو سے نواز شریف صحت پر بحث چھیڑی گئی جو کہ غیر اخلاقی اور حکومتی پستی کی نشانی ہے۔
انہوں نے بتایا ہے کہ نواز شریف علاج مکمل کروائیں کے اور معالجین کی ہدایت پر ایک لمحہ تاخیر کئے بغیر پاکستان آجائیں گے
ان کا کہنا تھا کہ نواز شریف نے ایسی مثال قائم کی کہ جس نے بیمار اہلیہ کو بستر پر مرگ چھوڑ کر قانون کی عمل داری کے لئے واپس آئے لیکن نواز شریف کی واپسی کا فیصلہ ٹاک شو سے نہیں ہوگا ان کی زندگی پر کوئی کمپرومائز نہیں ہوگا۔
