تاریخی مسجد وزیرخان میں شوٹنگ کے معاملے میں پراسکیوشن نے مقدمے میں سائبرکرائم کی دفعات شامل کرنے کی سفارش کر دی۔
سیشن عدالت نے اداکارہ صبا قمر اور گلوکار بلال سعید کا چالان سی سی پی او لاہور کو ارسال کر دیا۔
پراسکیوشن نے مقدمے میں سائبرکرائم کی دفعات شامل کرنے کی سفارش کرتے ہوئے کہا ہےکہ واقعے کی سوشل میڈیا میں فوٹیج وائرل ہوئی تھیں، سی سی پی او لاہور مقدمے میں مزید دفعات شامل کرنے کا حکم دیں، پولیس نے چالان مکمل کر کے پراسیکیوشن میں جمع کروا دیا تھا۔
خیال رہے کہ اداکارہ صبا قمر کی سیشن کورٹ نے عبوری درخواست ضمانت منظور کر رکھی ہے۔
واضح رہے کہ لاہور کی تاریخی مسجد وزیر خان میں مبینہ رقص کے معاملے پر اداکارہ صبا قمر کے خلاف مقدمہ دفعہ 295 کے تحت تھانا اکبری گیٹ میں وکیل فرحت منظور کی درخواست پر درج کیا گیا تھا جس میں گلوکار اداکار بلال سعید کو بھی نامزد کیا گیا تھا۔
