رلڈ بینک کے ریجنل نائب صدر نے کورونا سے نمٹنے کیلئے پاکستان کی کاوشوں کی تعریف کی ہے۔
تفصیلات کے مطابق وزیر خزانہ شوکت ترین نے عالمی بینک کے ریجنل نائب صدر سے ملاقات کی جس میں ورلڈ بینک کے کنٹری ڈائریکٹر اور دیگر اعلیٰ حکام نے شرکت کی۔
ملاقات میں وزیرِخزانہ شوکت ترین نے ترقی پذیر ممالک کے لئے 12 ارب ڈالر کے تجویز کردہ اقدام کی تعریف کی اور پاکستان میں گورننس اور سروس ڈلیوری کیلئے ورلڈ بینک کے تعاون پر اظہارِ تشکر بھی کیا۔
ورلڈ بینک کے ریجنل نائب صدر نے کہا کہ کورونا سے نمٹنے کیلئے بینک کے مجوزہ 12 ارب ڈالر سے ایک ارب افراد کیلئے کورونا ویکسین خریدی جائے گی جبکہ عالمی بینک کورونا ویکسین کی خریداری کیلئے پاکستان کو 150 ملین ڈالر فراہم کرے گا۔
ورلڈ بینک کے نائب صدر نے کلین اینڈ گرین انرجی کیلئے بھرپور تعاون فراہم کرنے کے عزم کیا اور بینک کا ڈیجیٹل اکانومی آپریشن کیلئے اپنی آئی ٹی ٹیم کی گائیڈنس کی فراہمی پر رضامندی کا بھی اظہار کیا۔
