کراچی: (ویب ڈیسک) پاکستان سٹاک مارکیٹ میں تجارتی لین دین کے دوران 750 پوائنٹس کی کمی دیکھی گئی۔
کاروباری ہفتے کے چوتھے روز سٹاک ایکسچینج میں 100 انڈیکس میں 750 پوائنٹس کی کمی سے 44ہزار 385 کی سطح پر پہنچ گیا۔ واضح رہے کہ روس کے یوکرین پر حملے کے سبب ایشیائی سٹاک مارکیٹس میں گراوٹ کا رجحان ہے، جاپان کی سٹاک مارکیٹ میں 1عشاریہ2فیصد جبکہ چین کی سٹاک مارکیٹ میں 1فیصد کمی ہوئی ہے۔آسٹریلیا، سنگاپوراوردیگرسٹاک مارکیٹوں میں 3فیصدتک مندی دیکھی گئی ہے۔
دوسری جانب عالمی منڈی میں تیل کےنرخوں میں بھی اضافہ ہوا،قیمت 100ڈالرفی بیرل سےزائدہوگئی، ٹریڈنگ کے دوران سونےکی فی اونس قیمت 16ڈالربڑھ گئی۔
