لندن: (ویب ڈیسک) فاسٹ بالر محمد عامر 2019کے بعد اب پہلی بار کاؤنٹی کرکٹ میں ایکشن میں نظر آئیں گے ۔پاکستانی پیسر نسیم شاہ کی جگہ محمد عامر گلوسسٹرشائر کی نمائندگی کریں گے ، ان کا تین میچز کے لیے کاؤنٹی سے معاہدہ ہوا ہے ۔
کاؤنٹی ترجمان کے مطابق محمد عامر 28اپریل کو سرے کے خلاف میچ سے اپنا ڈیبیو کریں گے ۔محمد عامر نے گلوسٹرشائر کے ساتھ معاہدے پر خوشی کا اظہار کرتے ہوئے کہا ہے کہ کاؤنٹی کرکٹ کھیلنے کو بے تاب ہوں اور پوری کوشش ہوگی کہ عمدہ کارکردگی دکھا کر توقعات پر پورا اتروں۔
بتایا گیا کہ تجربہ کار بین الاقوامی کھلاڑی محمد عامر اپریل اور مئی میں کاؤنٹی چیمپئن شپ کے تین میچوں کے لیے دستیاب ہوں گے ۔واضح رہے کہ پاکستانی پیسر نسیم شاہ انجری کے سبب ایک ماہ تک دستیاب نہیں ہیں۔
نسیم شاہ کی جگہ محمد عامر کا گلوسسٹر شائر کاؤنٹی سے معاہدہ
