میڈیا کو شٹ اپ کال

واشنگٹن(ویب ڈیسک )امریکی صدر ڈونلڈ ٹرمپ کے چیف سٹریٹیجسٹ سٹیو بینن نے ملک کے مین سٹریم میڈیا کو اپوزیشن جماعت قرار دیتے ہوئے اسے اپنا منہ بند رکھنے کا کہا ہے۔سٹیو بینن نے امریکی اخبار کو بتایا کہ اخباری اداروں کو ڈونلڈ ٹرمپ کی انتخابی جیت کا قبل از وقت اندازہ لگانے میں ناکام رہنے پر ذلت’ کا سامنا کرنا پڑا۔ سٹیو بینن نے کہاکہ میڈیا شرمندہ اور ذلیل ہوا، اپنا منہ بند رکھے اور کچھ عرصے کے لیے سنے بھی۔ان کا مزید کہنا تھا کہ یہاں کا میڈیا اپوزیشن جماعت ہے ڈیموکریٹک پارٹی نہیں۔سٹیو بینن نے کہا کہ امریکی ذرائع ابلاغ کو اب بھی سمجھ نہیں آئی کہ ڈونلڈ ٹرمپ امریکہ کے صدر کیوں ہیں۔