اسلام آباد (ویب ڈیسک) پاکستان عوامی مسلم لیگ کے سربراہ شیخ رشید احمد نے کہا ہے کہ سپیکر قومی اسمبلی ایاز صادق نے اپنے استعفی کی پیش کش سیاسی جماعتوں کے سربراہان کو کر دی ہے اپوزیشن جماعتوں کو اعتماد نہیں ہے تو مستعفی ہونے کو تیار ہوں ۔ سیاسی جماعتوں کے سربراہان کے اعلی سطحی اجلاس کے بعد صحافیوں سے گفتگو کرتے ہوئے انہوں نے کہا کہ ہم نے سپیکر پر واضح کر دیا ہے کہ گزشتہ تین سالوں میں ایک بھی تحریک التواءتک کو نہیں سنا گیا ہے سپیکر صرف حکومت کے ہیں ۔ اپوزیشن جماعتوں کی بات نہیں سنتے ہیں اپوزیشن جماعتیں ان پر متفق نہیں ہیں جس پر اجلاس میں سپیکر نے کہا کہ اگر سیاسی جماعتیں مجھ پر اعتماد نہیں کرتے ہیں تو میں مستعفی ہونے کو تیار ہوں اپنا استعفیٰ وزیر اعظم کو بھیجنے پر تیار ہوں ۔ انہوں نے کہا کہ ہماری تحریک استحقاق پر بھی سپیکر کی جانبدارانہ رویہ تھا جس کو سپیکر نے تسلیم کیا ہے انہوں نے ہماری تحریک استحقاق کا مذاق اڑایا جس کے باعث ایسے حالات پیدا ہوئے ہیں ۔
