خلیجی ممالک میں کشیدگی’ حدود کی بندش سے فضائی آپریشن شدید متاثر

لاہور (این این آئی)خلیجی ممالک کی کشیدگی اور فضائی حدود کی بندش کے باعث فضائی آپریشن شدید متاثر ہوکر گیا۔علامہ اقبال انٹرنیشنل ایئرپورٹ لاہور سے اندرون اور بیرون ملک جانے والی متعدد پروازیں منسوخ کر دی گئیں۔ ایئرپورٹ ذرائع نےبتایا کہ منسوخ ہونے والی پروازوں میں دبئی، ابوظبی، کولمبو اور کراچی جانے والی مختلف ایئرلائنز کی پروازیں شامل ہیں، جس سے فضائی آپریشن متاثر ہوا ہے۔ایئرپورٹ ذرائع کے مطابق لاہور سے ابوظبی جانے والی نجی ایئرلائن کی پرواز ای وائے 285تکنیکی وجوہات کے باعث منسوخ کی گئی۔ اسی طرح لاہور سے دبئی جانے والی نجی ایئرلائن کی پرواز پی اے 410بھی منسوخ کر دی گئی۔ دبئی کے لیے روانہ ہونے والی ایک اور نجی ایئرلائن کی پرواز پی اے 416بھی منسوخ ہونے والی پروازوں میں شامل ہے۔لاہور ایئرپورٹ سے کولمبو جانے والی نجی ایئرلائن کی پرواز 8 ڈی 982بھی منسوخ کر دی گئی۔ ایئرپورٹ ذرائع کے مطابق بیرون ملک جانے والی پروازوں کے ساتھ اندرون ملک فضائی آپریشن بھی متاثر ہوا ہے۔ لاہور سے کراچی جانے والی نجی ایئرلائن کی پرواز پی نائن 845اور ایک دوسری نجی ایئرلائن کی پرواز پی ایف 146بھی منسوخ کر دی گئی ہیں۔ایئرپورٹ ذرائع نے مزید بتایا کہ لاہور سے کراچی جانے والی پرواز پی کے 307بھی منسوخ کر دی گئی ہے جبکہ اسی روٹ پر نجی ایئرلائن کی پرواز پی اے 401بھی منسوخ ہونے والی پروازوں میں شامل ہے۔