کراچی: (ویب ڈیسک) شہر قائد میں سٹریٹ کرائم کا جن بے قابو ہو گیا، ڈیفنس فیز ون میں دو ڈاکو دن دیہاڑے شہری سے دو موبائل فون اور نقدی چھین کر فرار ہوگئے۔
واردات کی سی سی ٹی وی فوٹیج کے مطابق دو ڈاکووں نے شہری کو موٹر سائیکل پر روکا، شہری سے نقدی اور موبائل فون چھین کر بآسانی فرار ہو گئے۔
فوٹیج میں دونوں ڈکیتوں کے چہرے واضح طور پر دیکھے جاسکتے ہیں، فوٹیج کے مطابق ملزم جاتے ہوئے بائیک کی چابیاں لے گئے، متاثرہ شہری نے ڈیفنس تھانے میں مقدمے کے لیے درخواست جمع کروا دی ہے۔
