لاس اینجلس (شوبزڈیسک) جانی ڈیپ ایک بار پھر جیک اسپیرو کے روپ میں واپسی کےلئے تیار ہیں۔ہالی وڈ کی بلاک بسٹر سیریزپائیریٹس آف دی کیریبئن 5کی نئی جھلکیاں جاری کردی گئیں۔مشہور و معروف ہالی ووڈ کامیڈی ایڈونچر فلم سیریز پائیریٹس آف دی کیریبئن سلسلے کی اگلی فلم ”پائیریٹس آف دی کیریبئن۔ ڈیڈ مین ٹیل نو ٹیلز“کا ٹریلر منظر عام پر آگیاہے جس میں ایک بار پھر سے جانی ڈیپ لیجنڈنری کردار کیپٹن جیک اسپیروکے روپ میں جلوہ گر ہورہے ہیں۔بلاک بسٹر فلم سیریز کی اس پانچویں کڑی کو جواشم روننگ اور اسپین سینڈ برگ مشترکہ طور پر ڈائریکٹ کر رہے ہیں جس کی کہانی گزشتہ فلموں کی طرح بہادر اور نِڈر جیک اسپیرو کے گِرد گھوم رہی ہے جو اپنے ساتھیوں کے ہمراہ نامعلوم خزانے کی تلاش میں سمندری سفر پر نکلتا ہے اورراہ میں حائل دشمنوں کا ڈٹ کا مقابلہ کرتا ہے۔
