وزیراعظم کے حلقہ پر سوالیہ نشان ؟ اندرونی کہانی منظر عام پر

لاہور(ویب ڈیسک ) وزیر اعظم میاں محمد نواز شریف کے حلقہ موہنی روڈ کے عوام بڑھتے ہوئے جرائم ڈکتیوں اور راہزنی کی وار داتوں کے خلاف سراپا احتجاج بنے ہوئے ہیں اور آئے روز احتجاجی مظاہرے کرکے اپنا احتجاج حکام بالا تک پہنچانے کی کوشش بھی کررہے ہیں لیکن نہ تو وزیراعظم کو اس کانوٹس لینے کا خیال ہے اور نہ ہی وزیراعلی پنجاب اس بات کا کوئی نوٹس لے رہے ہیں جہاں وزیراعظم کا حلقہ ڈاکوﺅں کی آماج گاہ بن چکا ہو وہاں عام آدمی کا کیا حال ہو گا اس کا اندزاہ اسی بات سے لگایا جا سکتا ہے۔ان خیالات کا اظہار پیپلز پارٹی کے این اے 120سے ٹکٹ ہولڈر حافظ زبیر کار دار نے موہنی روڈ پر پیپلز پارٹی کے زونل آفس میں مرزا الیاس اور افضل بٹ کی قیادت میں ملاقات کرنے والے جیالوں سے گفتگو کرتے ہوئے کیا۔حافظ زبیر کار دار کا کہنا تھا کہ میں نے پیپلز پارٹی کے ٹکٹ پر میاں نواز شریف کے مقابلے میں الیکشن لڑا تھا لیکن مجھے دھاندلی سے الیکشن ہروادیا گیا اگر مجھے دھاندلی سے نہ ہروایا جاتا تو آج میں اس حلقہ کو ایک مثالی حلقہ بنا دیتا ےہ ےہاں کے عوام کی کتنی بڑی بد قسمتی ہے کہ ان کے ووٹوں سے کامےاب ہونے کا دعوی کرنے والے وزیر اعظم نے آج تک اس حلقے کا دورہ تک نہیں کیا ہے اور انہیں ےہاں کے عوام سے بھی کوئی دلچسپی نہیں ہے اگر اب بھی عوام نے ہوش کے ناخن نہ لئے تو پھر ان کے ساتھ اسی طرح کا سلوک ہی ہوتا رہے گا۔