لاہور: (ویب ڈیسک) پنجاب میں ڈسٹرکٹ بار کونسلز کے سالانہ انتخابات ہوئے، لاہور میں بدنظمی کے باعث الیکشن متنازعہ ہو گیا، ایگزیکٹو کمیٹی نے پولنگ 23 جنوری تک ملتوی کر دیئے۔
سکیورٹی کے سخت انتظامات میں صوبہ بھر میں وکلا کی جانب سے نمائندوں کے انتخاب کیلئے حق رائے دہی کا استعمال کیا گیا، لاہور میں وکلا گروپوں کی جانب سے ایک دوسرے پر دھاندلی کے الزامات کے باعث بدنظمی دیکھنے میں آئی۔
چیئرمین الیکشن بورڈ کی جانب سے نتائج کا اعلان کرتے ہوئے حامد خان گروپ کے صدارتی امیدوار رانا انتظار کو کامیاب قرار دینے پر لاہور بار میں حالات کشیدہ ہو گئے، وکلاء کے یونیفارم میں افراد نے فائرنگ کی، جس پر ایکشن لیتے ہوئے پنجاب بار کونسل کی ایگزیکٹو کمیٹی نے بار کے الیکشن 23 جنوری تک ملتوی کر دئیے۔
