لاہور : (ویب ڈیسک) لاہور کے علاقے شاہدرہ ٹاؤن میں نوجوان نے تین افراد کو قتل کر کے خود کشی کرلی۔
پولیس ذرائع کے مطابق ملزم وقاص نے گھریلو رنجش کی بنا پر اپنی ساس شگفتہ بی بی، سالی نیہا اور سالے نعمان کو فائرنگ کر کے قتل کر دیا۔
ملزم نے تینوں کو قتل کرنے کے بعد خود اپنی جان بھی لے لی ، اندوہناک واقعے کی اطلاع ملتے ہی پولیس کی بھاری نفری اور اعلیٰ حکام موقع پر پہنچ گئے ہیں۔
پولیس نے چاروں لاشیں قبضہ میں لے قانونی کارروائی شروع کر دی ہے ، پولیس اور فرانزک ٹیمیں موقع پر پہنچ کو شواہد اکٹھے کر رہی ہیں۔
