لاہور (خصوصی رپورٹ) پی ایس ایل کے فائنل ے پہلے ہی بکیوں نے اپنی چھریاں تیز کرلیں۔ فائنل سے پہلے دبئی میں ڈیرے ڈالنے والے بک میکرز نے لاہور میں پہنچنا شروع کردیا ہے۔ ان بک میکرز میں لاہور میں واقع ریسٹورنٹ کا مالک سرفہرست ہے جو اس وقت لاہور کا سب سے بڑا بک میکر ہے۔ حاجی ناصر کسی بھی میچ یا ریس کے بارے میں جو بھی فیصلہ کرے دوسرے بک میکرز اس کو مانتے ہیں پولیس سے مک مکا کرنے کے علاوہ محفوظ جگہوں پر بکنگ کیلئے تیاریاں مکمل کر لی گئیں۔ اس ٹاﺅن، جوہڑ ٹاﺅن ڈیفنس، ماڈل ٹاﺅن اور دیگر پوش علاقوں میں اپنے سسٹم لگالئے ہیں۔ تفصیلات کے مطابق پی ایس ایل کے لاہور میں فائنل کے بارے میں بے یقینی کے بادل جھٹتے ہی اس میچ پر اربوں کا سٹہ لگانے کیلئے بکیوں اور شہریوں نے اپنی تیاریاں مکمل کر لی ہیں، بک میکرز اس میچ کیلئے ٹاس ، ہندسوں ، چھوٹے ہندسوں ، بڑے ہندسوں، سنسنی خیز ہونے کی صورت میں بک میکرز کا منافع زیادہ ہو گا اگر میچ یک طرفہ ہو گیا تو بک میکرز کو نقصان بھی ہو سکتا ہے۔ بڑے بک میکرز اس میچ سے پہلے اپنے اثروسوخ اور تعلقات کو استعمال کرتے ہوئے میچ اور وکٹ سے متعلق معلومات جمع کر رہے ہیں، اس سلسلے میں گراﺅنڈ سٹاف اور کئی کھلاڑیوں سے رابطوں کی کوشش کی جا رہی ہے۔ بک میکرز مافیا اس بارے میں معلومات حاصل کرنے کیلئے سیاسی اثرورسوخ بھی استعمال کر رہا ہے وکٹ سے متعلق معلومات کو بطور خاص حاصل کرنے کی کوشش کی جا رہی ہے تا کہ میچ کا بھاﺅ نکالا جا سکے۔
