لاہور(خصوصی رپورٹ)لاہور اورنج لائن میٹرو ٹرین منصوبے پرجاری کام کی پیش رفت کا جائزہ لینے کے سلسلے میں سٹیئرنگ کمیٹی کا اجلاس گزشتہ روز ہوا ۔ اجلاس کو بتایا گیا کہ مجموعی طور پر منصوبے کا 61.10فیصد تعمیراتی کام مکمل ہو چکا ہے ۔ڈیرہ گجراں سے چوبرجی تک پیکیج ون کا 75.2فیصد چوبرجی سے علی ٹان تک پیکیج ٹو کا 45.75فیصد پیکیج تھری ڈپو کا 63.7فیصد جبکہ پیکیج فور سٹیبلینگ یارڈ کی تعمیر کا 59.75فیصد کام مکمل کیا جا چکا ہے ۔اجلاس کو بتایا گیا کہ ریسکیو 1122نے منصوبے پر کام کرنے والے مزدوروں اور ملازمین کو سیفٹی اقدامات کی ٹریننگ دینے کے لئے تربیتی لیکچرز کا انعقاد شروع کر دیا ہے ۔ منصوبے پر تقریبا پونے تین سو چینی باشندے کام کر رہے ہیں جن کی سیکورٹی کے لئے اضافی نفری تعینات کر دی گئی ہے اور تمام عملے کو ہائی الرٹ کر دیا گیا ہے۔اجلاس میں چیف انجینئر ایل ڈی اے اسرار سعید چیف انجینئر ٹیپا سیف الرحمن اور پنجاب ماس ٹرانزٹ اتھارٹی نیسپاک لیسکوپی ٹی سی ایل سوئی گیس ریلوے ٹریفک پولیس سول ڈیفنسریسکیو112 اور دیگر متعلقہ محکموں کے اعلی افسران کے علاوہ منصوبے کے چینی کنٹریکٹر سی آر نورنکو اور چائنہ انجینئر نگ کنسلٹنس کے نمائندوں اور مقامی کنٹریکٹرز نے شرکت کی ۔
