لاہور: (ویب ڈیسک) مسلم لیگ (ن) کی چیف آرگنائزر مریم نواز نے چیئرمین پاکستان تحریک انصاف عمران خان کو "سازشوں کا بادشاہ” قرار دے دیا۔
سماجی رابطے کی ویب سائٹ ٹوئٹر پر عمران خان کے ٹوئٹ کا جواب دیتے ہوئے مریم نواز نے کہا کہ آپ کی چیخیں غلط نہیں کیوںکہ آپ اپنے گاڈ فادر فیض اور ان کی باقیات کی مدد سے سازشوں کے بادشاہ ہیں، فیض اور ان کی باقیات کی سازشوں پر پھلتے پھولتے اور زندہ رہتے ہیں۔
اپنے ٹوئٹ میں مریم نواز نے مزید کہا کہ عمران خان اب آپ دیکھیں گے کہ "بگڑی ہوئی شہزادی” آپ کو کیسے مات دیتی ہے، آپ جیسے گاڈسن اور پیادے غیر متعلقہ ہو جائیں گے، واضح رہے چیئرمین پی ٹی آئی عمران خان نے مریم نواز کو اپنے ٹوئٹ میں "بگڑی شہزادی” کہہ کر مخاطب کیا تھا۔
