لاہور (خصوصی رپورٹ) سٹی ٹریفک پولیس کی جانب سے بلیورڈ سروس روڈ پر پارکنگ ممنوع قرار دیدی گئی۔ گاڑیاں پارک کرنے پر چالان ہونگے۔ ٹریفک مسائل کے پیش نظر سٹی ٹریفک پولیس گلبرگ مین بلیوارڈ کے دونوں اطراف سروس روڈ پر پارکنگ ممنوع قرار دے دی ہے۔ صدیق ٹریڈ سنٹر سے کلمہ چوک تک سروس روڈز پر گاڑؑیاں اور موٹرسائیکلیں پارک نہیں کی جاسکیں گی۔ سروس روڈز کو کلیئر کروانے کیلئے لفٹر مقرر کر دیئے گئے ہیں۔ سی ٹی اورائے اعجاز احمد نے کہا ہے کسی صورت سروس روڈ پر پارکنگ کی اجازت نہیں ہو گی۔
