فرانس یورپی یونین کا پہلا رکن ملک بن جائے گا جو فرانسیسی شینگن ویزا کے لئے درخواست کے طریقہ کار کو مکمل طور پر آن لائن کرے گا، اور تقریبا 70،000 درخواست گزاروں ڈیجیٹل ویزا جاری کرے گا، جو 2024 کے اولمپک اور پیرا اولمپک کھیلوں میں حصہ لیں گے۔
فرانس نے یکم جنوری 2024 سے ”اولمپک قونصلیٹ“ کے نام سے نیا نظام شروع کیا ہے جو رواں سال کے اولمپک اور پیرا اولمپک کھیلوں میں حصہ لینے والے 15 ہزار بین الاقوامی کھلاڑیوں، 9 ہزار صحافیوں اور بیرونی ممالک کے وفود کی درخواستوں پر کارروائی کرے گا۔
یہ نظام فرانسیسی حکام کی کوشش میں قائم کیا گیا ہے تاکہ اولمپکس کے لئے درخواستوں کو بیرون ملک فرانسیسی ویزا مراکز میں زیر سماعت فائلوں کی بہتات سے روکا جاسکے۔
درخواستیں فرانس ویزا پلیٹ فارم کے ذریعے مکمل طور پر آن لائن دائر اور پراسیس کی جائیں گی، جس سے فرانس یورپی یونین کا پہلا ملک بن جائے گا جو گزشتہ اکتوبر میں پارلیمنٹ کی طرف سے منظور کردہ یورپی یونین شینگن ویزا ڈیجیٹلائزیشن کے منصوبوں کے مطابق آن لائن ویزا پر کارروائی کرے گا۔ اور پھر 70,000 افراد کے پاسپورٹس پر ویزا اسٹمپ نہیں ہوگی بلکہ انہیں براہ راست اپنے ایکریڈیشن کارڈ میں ویزہ سہولت ملے گی۔
واضح رہے کہ فرانس میں اولمپک 26 جولائی سے 11 اگست اور پیرا اولمپکس 28 اگست سے 8 ستمبر 2024 تک منعقد ہوں گے، اور توقع کی جارہی ہے کہ ان کھیلوں کو دیکھنے کے لئے 15 لاکھ کے قریب تماشائی شرکت کریں گے۔
فرانس اس صدی میں پہلی بار موسم گرما کے اولمپک کھیلوں کی میزبانی کرنے والا ملک اور اپنی تاریخ میں پہلی بار پیرا اولمپک کھیلوں کی میزبانی کرے گا، ان کھیلوں کے ذریعے دنیا کے 15,000 ایتھلیٹس، 9،000 سے زیادہ صحافی اور دنیا بھر سے تقریباً 15 لاکھ تماشائیوں کی میزبانی کی جائے گی۔
اس سے قبل 2024 کے پیرس اولمپک کھیلوں کی سروسز اینڈ ریلیشنز منیجر الیجینڈرو ریکالڈ نے اعلان کیا تھا کہ جن کھلاڑیوں اور آفیشلز کے پاس ملٹی پل انٹری شینگن ویزا ہے انہیں ایونٹ میں شرکت کے لیے فرانسیسی شینگن ویزا کے لیے درخواست دینے کی ضرورت نہیں ہوگی کیونکہ وہ اپنا موجودہ ویزا استعمال کرسکیں گے، لیکن انہیں اب کھیلوں کے لئے ایکریڈیٹیشن کی ضرورت ہوگی۔
