بارباڈوس(نیوزایجنسیاں)پاکستان کی ٹی20 اور ون ڈے ٹیم کے کپتان سرفراز احمد نے ویسٹ انڈیز کے خلاف پہلے ٹی20 میچ میں فتح گر کارکردگی دکھانے والے لیگ اسپنر شاداب خان کے روشن مستقبل کا عندیہ دیا ہے۔دوسرے میچ میں بھی جیت کاتسلسل برقراررکھیں گے،امیدہے اگلے میچزمیں بھی کھلاڑی عمدہ کھیل کامظاہرہ کرتے ہوئے فتح میں اہم کرداراداکریں گے۔ٹی 20قائد کاکہنا ہے کہ کسی بھی سیریز کا پہلا میچ بہت اہم ہوتا ہے اور میچ جیتنے پر ہم خدا کے شکرگزار ہیں۔انہوں نے کہا کہ میں فتح کا کریڈٹ باو¿لرز کو دیتا ہوں جنہوں نے عمدہ کارکردگی دکھا کر جیت کی بنیاد رکھی۔ پہلے میچ میںشاداب خان نے بہترین با¶لنگ کا مظاہرہ کیا۔ اسے صرف اتنا ہی کہا تھا کہ پاکستان سپر لیگ کی طرح کی با¶لنگ کرنے پر دھیان دینا۔ سرفراز احمد کا مزید کہنا تھا کہ ہم ذہنی طور پر مضبوط ہیں اور اس پرفارمنس کو جاری رکھنے کی کوشش کریں گے۔’عماد وسیم نے اچھا آغاز فراہم کیا جس کے بعد شاداب اور پھر فاسٹ باو¿لرز خصوصاً وہاب ریاض نے ہوا کے مخالف آخری دو اوورز میں بہت اچھی باو¿لنگ کی جس پر یہ سب تعریف کے مستحق ہیں‘۔انہوں نے کہا کہ شاداب کا پہلا میچ تھا اور اس میں اس کی باو¿لنگ کی جتنی بھی تعریف کی جائے وہ کم ہے۔سرفراز احمد نے کہا کہ یہ شاداب اور اس کے اہلخانہ کیلئے بہت بڑا دن ہے کیونکہ آج وہ پاکستان کیلئے کھیلا اور پہلے ہی میچ میں مین آف دی میچ کا ایوارڈ جیتا۔یہ اس کے کیریئر کیلئے نیک شگون ہے کہ اس نے اپنی باو¿لنگ سے پاکستان کو میچ جتوایا اور امید ہے کہ وہ مستقبل میں مزید بہترین کارکردگی دکھاتے ہوئے بہت آگے جائے گا۔پاکستان اور ویسٹ انڈیز کے درمیان سیریز کا دوسرا ٹی20 میچ جمعرات کو کھیلا جائے گا۔18 سالہ شاداب نے اتوار کو ویسٹ انڈیز کے خلاف ہونے والے سیریز کے افتتاحی ٹی20 میچ میں شاندار باو¿لنگ کا مظاہرہ کرتے ہوئے صرف سات رنز کے عوض تین وکٹیں حاصل کیں اور میچ کے بہترین کھلاڑی کا اعزاز اپنے نام کیا۔ویسٹ انڈیز نے میچ میں پاکستان کو صرف 112 رنز کا ہدف دیا جو گرین شرٹس نے چار وکٹ کے نقصان پر حاصل کر کے چار ٹی20 میچوں کی سیریز میں 1-0 کی برتری حاصل کر لی۔
