تاوان کے لیے لاہور سے اغواء ہونے والا 14سالہ بچہ چند گھنٹوں میں فیصل آباد سے بازیاب کروا لیا گیا۔
ایس ایس پی انویسٹی گیشن لاہور ڈاکٹر انوش مسعود چوہدری کے نوٹس پر انچارج انویسٹی گیشن باغبانپورہ غلام مرتضی نے مغوی بچہ فیصل آباد سے بازیاب کروایا۔
ڈاکٹر انوش مسعود چوہدری نے پولیس ٹیم کو بچے خضر شہزاد کی فوری اور بحفاظت بازیابی کا ٹاسک دیا تھا، بچے کو ہیومن انٹیلی جنس سمیت سی سی ٹی وی کیمروں کی مدد سے فیصل آباد سے بازیاب کروایا گیا۔
بچے کے والدین نے ایس ایس پی انویسٹی گیشن کو ان کے دفتر میں پھول پیش کیے اور شکریہ ادا کیا۔ بچے کی بحفاظت بازیابی پر ایس ایس پی انویسٹی گیشن نے پولیس ٹیم میں تعریفی اسناد تقسیم کیں۔
ڈاکٹر انوش مسعود کا کہنا تھا کہ خضر شہزاد کے والد نے تھانہ باغبانپورہ میں اغواء کا مقدمہ درج کروایا تھا، شہریوں کی جان و مال کے تحفظ کے لیے شب و روز کوشاں ہے۔
