پاکستان کی قومی کرکٹ ٹیم کے سابق کر کٹر وہاب ریاض، پی سی بی میں کئی سینئر عہدوں پرفائز رہ چکے ہیں۔ وہ وزیر کھیل بھی رہ چکے ہیں۔
وہاب ریاض گذشتہ دنوں ایک شو میں مہمان تھے، جہاں انہوں نے اپنے کیریئر، ساتھی کھلاڑیوں کے ساتھ دوستی اور پی سی بی میں اپنے حالیہ دور کے بارے میں بات کی۔ انہوں نے ڈریسنگ روم کی کچھ مضحکہ خیز کہانیاں بھی شیئر کیں اور بتایا کہ کس طرح وہ سمجھتے ہیں کہ شعیب اخترایک ایسے کھلاڑی ہیں جو تمام کرکٹ اسٹارز میں سے سب سے زیادہ اشتعال انگیز باتیں کہتے ہیں۔
انہوں نے انکشاف کیا کہ ایک بار ٹی وی پر کترینہ کیف کا گانا ’شیلا کی جوانی ’ چل رہا تھا تو شعیب اختر نے انہیں بتایا تھا کہ وہ آئی پی ایل میں بھارت میں کھیل چکے ہیں اور وہ سلمان خان کے بھی قریب تھے لہذا انہوں نے بتایا کہ وہ کترینہ کو بھی جانتے ہیں ان کی کترینہ کیف سے دوستی ہے۔
میں اورمحمد حفیظ یہ سن کر حیران رہ گئے اور اس کی باتوں پریقین نہیں کیا۔
