دادو(ویب ڈیسک ) تحریک انصاف کے چئیرمین عمران خان نے کہاہے کہ آصف زرداری نے پیپلز پارٹی کوتباہ کردیا۔ جو قوم قرضے لیتی ہے وہ اپنی آزادی کھو بیٹھتی ہے،قرضوں کی قسطیں پھر قوم ٹیکسوں سے ادا کرتی ہے۔ انھوں نے کہاکہ پانامہ سے فارغ ہوگیاہو،اب سندھ میں وقت دونگا اور 30 اپریل کو اسلام آباد میں جلسہ بھی کروں گا۔دادو میں تحریک انصاف کے جلسے سے عمران خان نےخطاب کرتے ہوئے کہاکہ پاکستان میں دو شاطر سیاستدان ہیں جن میں سےایک زرداری اوردوسرے مولانا فضل الرحمن ہیں۔ عمران خان نے پیپلز پارٹی کے گڑھ میں آصف زرداری کوآڑے ہاتھوں لیا اور کہاکہ زرداری تم منافق نہیں ہو۔زرداری نے کبھی نہیں کہا کہ پیٹ پھاڑ کر پیسہ باہر سے واپس لاو¿نگا۔
عمران خان کاکہناتھاکہ اللہ کا وعدہ ہے کہ سچ ہمیشہ سامنے آئیگا۔ چئیرمین تحریک انصاف کاکہناتھا کہ پاناما کے انکشاف نواز شریف کی بدقسمتی ہے۔30 سالوں سے پتا ہے نواز شریف نے دولت کیسے بنائی۔انھوں نے کہاکہ پہلے ہمیں ٹی او آر کی لال بتی کے پیچھے لگادیا گیا،لیکن اب لٹیروں کے پیچھے جائیں گے۔عمران خان کاکہناتھاکہ ملک میں غریب اور غریب، ڈاکو امیر ہوجاتے ہیں۔سندھ کے لوگوں کو کرپشن نے تباہ کردیا۔
انھوں نے مزید کہاکہ پیسوں کی کمی ہوتی ہے تووالدین بچوں کو پڑھا نہیں سکتے۔پاکستان کی تاریخ میں سب سے زیادہ قرضہ آج لیا گیا ہے۔
انھوں نے عوام سے مخاطب ہوکرکیاکہ آصف زرداری سے پوچھیں کےان کے پاس پیسہ کہاں سے آیا؟ انھوں نے لوگوں کوڈرا دھمکا کرزمینیں لوٹ کرپیشہ بنایا۔ آج دبئی، لندن، نیویارک ہر جگہ زرداری کے محل ہیں۔
