اسلام آباد ہائی کورٹ نے نعیم حیدر پنجھوتھ کی کسی بھی مقدمے میں گرفتاری عدالتی اجازت مشروط کردی اور حکم دیا ہے کہ عدالت کی اجازت کے بغیر آئندہ سماعت تک نعیم پنجھوتھ کو گرفتار نہ کیا جائے۔
ایکسپریس نیوز کے مطابق جسٹس ثمن رفعت امتیاز نے نعیم حیدر پنجھوتھ کی درخواست پر سماعت کے بعد حکم جاری کیا۔ فیصل چوہدری ایڈووکیٹ، اعجاز بٹر ایڈووکیٹ عدالت کے سامنے پیش ہوئے۔
اسلام آباد ہائیکورٹ نے کہا کہ نعیم حیدر پنجھوتھ پر کتنے مقدمات ہیں تفصیلات جمع کرائیں۔
عدالت نے کیس کی مزید سماعت آئندہ ہفتے تک ملتوی کردی۔
واضح رہے کہ نعیم حیدر پنجھوتھ نے مقدمات کی تفصیلات کی فراہمی اور گرفتاری سے روکنے کی درخواست دائر کر رکھی ہے۔
