راولپنڈی (ویب ڈیسک) عمران خان کی نواز شریف اور آصف زرداری پر گولہ باری کا سلسلہ جاری ہے۔ دادو میں میڈیا سے گفتگو کرتے ہوئے انہوں نے کہا کہ ججز نے کہا کہ نواز شریف ایماندار نہیں، سارے ججوں نے تمام دستاویزات مسترد کیں۔ انہوں نے کہا کہ ملک کو تباہ کرنے میں نواز شریف اور آصف زرداری کا ہاتھ ہے، دونوں 30 سال سے ملک کو لوٹ رہے ہیں۔ عمران خان نے عوام کو 28 اپریل کو اسلام آباد میں ہونے والے جلسے میں شرکت کی دعوت دی۔ ساتھ ہی ساتھ انہوں نے سندھ میں بھی بڑا جلسہ کرنے کا اعلان کیا۔
اس موقع پر میڈیا سے بات کرتے ہوئے شیخ رشید نے استفسار کیا کہ کیس ابھی ختم نہیں ہوا، نون لیگ والے مٹھائیاں کس بات کی بانٹ رہے ہیں؟ شیخ رشید نے کہا کہ سندھ کے لوگ بھی کرپشن کے خلاف ہیں، سندھ کی تاریخ میں اتنا بڑا جلسہ کبھی نہیں دیکھا۔
