لاہور: سربراہ مسلم لیگ ن نواز شریف کے پوتے زید حسین نواز کی شادی کی تیاریاں جاری ہیں جس میں شریف فیملی، سیاسی شخصیات، عزیز و اقارب اور ملکی و غیر ملکی مہمانوں سمیت 700 افراد کو مدعو کیے جائے گا۔
مسلم لیگ کے خاندانی ذرائع کے مطابق حسین نواز کے صاحبزادے زید حسین نواز کی شادی کی تقریبات 24 دسمبر سےشروع ہوں گی، زید حسین کی شادی کی مناسبت سے مہندی و ڈھولک کی تقریب 24 دسمبر ہو گی۔
زید حسین نواز کا نکاح 25 دسمبر کو شیڈولڈ ہے، جاتی عمرہ میں 26 دسمبر کو قوالی نائٹ کا اہتمام ہو گا، دولہا زید حسین نواز کی 27 دسمبر کو سہرا بندی ہو گی اور بارات لے کر نکلیں گے۔
خاندانی ذرائع کے مطابق زید حسین نواز کی دعوت ولیمہ کی تقریب 29 دسمبر کو جاتی عمرہ میں ہی منعقد کی جائے گی، زید حسین نواز کے نکاح کی تقریب میں 500 مہمانوں کو مدعو کرنے کی تیاری کی جارہی ہے، ولیمہ کی تقریب میں 700 مہمانوں کو مدعو کیا جائے گا،
زید حسین نواز کی شادی کی تقریب میں شریف فیملی، عزیز و اقارب اور ملکی و غیر ملکی مہمانوں کو مدعو کیا جائے گا۔
