کراچی ( نیوزڈیسک)عمران خان 10ارب روپے کی آفر دینے والے شخص کے راز سے آہستہ آہستہ پردہ اٹھانے لگے ، کہتے ہیں وہ شخص لاہور میں رہتا ہے ، عدالت میں جا کر نام بتاو¿ں گا ، نواز شریف کو اب استعفیٰ دینا ہوگا ، کپتان نے بھی زرداری کی کرپشن ختم کرنے کی بات قیامت کی نشانی قرار دے دی۔ 10 ارب روپے کی آفر دینے والا کون ہے عمران خان راز سے آہستہ آہستہ پردہ اٹھانے لگے۔
کراچی ائیرپورٹ پر میڈیا سے گفتگو کرتے ہوئے عمران خان نے آفر کرنیوالے شخص کے شہر کا نام بتا دیا۔ صحافی نے یوٹرن سے متعلق سوال کیا تو خان صاحب نے صاف صاف کہہ دیا کبھی یوٹرن لیا ہی نہیں۔ عمران خان نے کہا وزیر اعظم عوام میں جا کر معصوم بنتے ہیں ، وہ عہدے سے چپکے ہوئے ہیں مگر اب ان کو جانا ہوگا۔ خان صاحب نے ڈان لیکس کی تفصیل عوام کے سامنے لانے کا بھی مطالبہ کیا۔ کپتان نے بھی زرداری کی کرپشن ختم کرنے کی بات قیامت کی نشانی قرار دے دی۔
