لاہور (یوا ین پی)قومی کرکٹ ٹیم کے سابق کپتان اور اوپننگ بیٹسمین عامر سہیل نے پاکستان کرکٹ بورڈ کے چیئرمین شہریارخان پر سخت تنقید کرتے ہوئے کہا ہے کہ ان کی اپنی کارکردگی معیاری نہیں لہٰذا انہیں جاوید میانداد پر انگلی اٹھانے کا بھی کوئی حق نہیں ہے۔ان کا کہنا تھا کہ شہریاراینڈ کمپنی پاکستان کرکٹ کو تباہی کی طرف لے کر جارہی ہے اور اگر تمام سابق کھلاڑی متحد ہوکر ایک تنظیم بنالیں تو اسی طرح پی سی بی کو غلط کاموں سے روکا جائے گا اور کسی بھی سابق کھلاڑی کے ساتھ اس طرح کی ناانصافی نہیں ہو گی۔
